2013年3月19日星期二

親子運動日2013

一年一度的親子運動日又到了,

記得去年一家四口參加親子運動日, 

HANNAH仍是手抱嬰兒,全程由我揹著,

今年妹妹已經識行識走,

還一起拍手,投入觀賞節目。




由於妹妹長大了, 

媽媽也可放心交託妹妹給爸爸照顧,

我就出少少綿力,做攝影義工,

幫同學仔們影靚相。


由於我這個AUNTIE比較八卦,又一向喜歡同小朋友玩,

原來不經不覺我都認識到校內不少小朋友,

我一舉起相機,大家都十分合作跟我微笑, 叻叻!


今年係親子運動日節目好精彩,

有老師打鼓,我的一班家長爸爸們舞龍, 非常熱鬧。





家長同小朋友們一起在跑道上做親子操,

我和ANSON也全程投入參與,

向來很少做運動的媽媽,

把40磅多的ANSON抱起拋高10多次,

ANSON當然樂上半天,

但這不自量力的媽媽的雙臂就痛上幾天……唉……!


 
之後我又繼續東跑西跑拍攝各級同學的表演花絮,

各人小小年紀, 但都非常落力及投入。


今年幫ANSON影的相片不多,

幸好爸爸在攤位活動時用手機拍了一些




不過當然為大眾服務更有意義吧!

1 則留言:

注意:只有此網誌的成員可以留言。