2007年11月19日星期一

從此被困

"友仔”的兩位同學仔不約而同o係尋晚"從此被困", 

因為佢地兩位都曾經o係我地wedding中幫手做兄弟, 

可想而知佢地同我地o既交情都非淺, 

但由於時間所限, 我地"wong's伉儷"就先到左朋友 L 那處交低入場費, 

影了張相便走下場...去到朋友 M 的婚宴場地.

我認識朋友 M 同M太都差不多有10年(因為我識左"友仔"10年);

而朋友 M 同M太就拍左11年拖先結婚, 所以都好"登"佢地開心;

我覺得朋友 M 係個好好先生,

佢個性格同STYLE同"友仔"有D似,

份人無咩所謂,

所以我估佢地O既marriage life會幾ok!

而M太同我都有莫大關係, 其實佢係我學姊, 

即我地係讀同一間中學, but佢高我一個form, 

但我對佢同其他朋友無咩印象, 

但因為大家o係同一間學校讀書, 都有D親切感!

在此祝福兩pairs 新婚夫婦甜甜蜜蜜, 恩恩愛愛!

2007年11月17日星期六

有牌及有車的第一個月

唔經唔覺, 今日係我考到車牌的一個月紀念, 

以我一向極速效率o既個性, 

考牌兩個星期左右就買左架車....

回想過去呢幾個星期, 

自問駕駛表現都不過不失, 

當然中間都出現過一D烏龍同驚險場面又或者不知所措, 

但總算累積了不少路面經驗,

對我o來講, 我最怕的有以下幾樣:

1. 唔識路 - 唔知o係邊條線轉線, 跟住錯過左去目的地的路線, 跟住又再搵alternatives

2. 遇上亂咁o來o既司機 - 90%係的士司機; 70%係紅頂小巴司機及"九龍區"的綠頂小巴司機; 
50%係改車改到"懶"型, 不時超速的司機; 40%係巴士

3. 好急地泊位 - 只要我慢慢地而個位唔係太細, 我可以1-2手呔就ok


4. 盲毛 - 成日都有人同車唔睇衝出o來, 好彩我盡量預1-2個車位空間(BUT迫隧道除外), 自從我開始揸車我依法小心過馬路, 因為唔想累己累人...

2007年11月15日星期四

Hee Hee...曬命!!!!

到了11月中, 我d staff已經逐一交張leave form俾的簽名, 

佢地都已經plan好點放假去用完d annual leave.

我近來實在沒有機會可以放假, 

啱啱先完左個annual event, 

o來緊仲有3個training courses, 仲有subscriptions, etc

....我一直以為自己仲有9日假, 

仲諗住christmas o個排放d, 之前又放一兩day就算 

(連我london個director都叫我快d放假!)

今朝終於有機會計劃一下d假期, 

點知再confirm HR dept, 原來我仲有12日!!!!!!

12日, 我攞左個calendar睇發現我其實有12月10號左右開始放, 

我就到2008年1月先再返工.....好耐呀!

我打電話問"友仔"點算?佢就叫我日日揸車去街, 

跟住就話我曬命.....xyz....!!!!

對我呢d辛苦命o既人o來講, 

咁長o既假係好悶o架....係真o架, 

我細個放暑假都嘈要返學!!!!

Facebook

我今日先發現原來自己o既朋友network都好鬼闊, 

唔覺唔覺o係facebook度都add左成40個friend, 

今日再add多10幾個...

facebook係一個幾有趣o既platform, 

但係我都係唔係好清楚點玩, 

有無人可以教下的呀???

2007年11月7日星期三

絕種細心

細心的男士一向都十分受女士們欣賞... 

而男士們細心的程度實在可以有很大很大的差異...

以下就有一個超級細心的例子:

昨天跟朋友們一起打邊爐....

"符朋友"是其中一位, 我地o係酒樓門外等了一會就被安排了入坐; 

之後開始make order點湯底及餸菜....

又過了一陣美味的豬骨湯底來了, 

侍應就幫我們開了爐, 

接著"符朋友"便問該侍應: "請問邊爐煲滾了後, 煙會各哪一個方向吹?";  

侍應答:"不知道, 要等滾了後才知道!";  

"符朋友"說: "因為我寧願煙向我的方向吹, 不希望向妳們的方向吹..."

"友仔"因為要上堂遲了join, 但在"友仔"未到之前(大約15分鐘左右), 

我已經收到了由"符朋友"遞上的3張tissues....

heheh, 我通常都唔帶tissue 出街....

吃飽後, "符朋友"請我們一起搭的士返屋企(因為我地請他食飯當補祝生日), 

"友仔"坐在司機旁邊, 我地兩個女仔同"符朋友"坐後面, 

不知是否角度問題, "符朋友"見到"友仔"用手按住口鼻, 

就緊張地問候: "您的鼻無事嗎?"; 

 "友仔"都唔知道佢問什麼, 

而我身為"友仔"o既御用褓姆都不以為然地答:"其實佢只係o係度咬緊手指!!!!"

.....大家跟住一齊o係的士內大笑起o來!!!

2007年11月6日星期二

AA制

AA = 每人平均分攤飲食費用... 

朋友們一起往吃飯, 除了order了自己喜愛的食物,  

享受了食物的美味, 欣賞了食物的美麗賣相,  

還有是享受了朋友們難得地共聚一堂, 說說笑笑的快樂時刻...

對我來說, 最物超所值的正是後者!

與其斤斤計較"AA"definition

及有否食多了或喝多了的話

更甚share別人剩下的食物,  

那麼, 不如自己躲在家中對著四壁自己孤獨的吃吧.... 

因為您根本沒有為您所享有的快樂時刻作出任何付出!

2007年11月5日星期一

我的第一個乘客~睡寶寶

hehehe....恭喜哂睡寶寶做左我的第一個乘客!!!   好彩唔係太失禮!

但睡寶寶有咩feeling就要問佢lah!

我呢幾日都開始有d成功感on driving, 

我o係星期六雖然唔洗去老師度, 

but我都揸左出去石硤尾睇中醫, 仲泊埋位.....

中間來回都行紅隧....touch都好ok... 

之後回程就落埋去time square泊低架車再去shopping... 好玩wor.....!!!

今朝就跟高sir去左玩路路通, 

仲行左nathan road, 經過"友仔"間shop, 

再去老師度(kowloon tong)...etc, 

之後仲揸返自己架車去cyber port 一個圈....

亞sir話我揸得好有板有眼, 同埋已經熟悉架車!!!

2007年10月31日星期三

取車第一天~好勇啊!

朋友們, 以下係我的駕駛第一天... 

雖然仲有d驚, 但有超大滿足感....

我昨日去元朗取車, 仲落緊雨, 

做好哂document & check哂d facilities後, 

sales幫我move架車出車場; 

我跟住就坐上司機位; o係元朗市中心完全迷路,

仲俾細佬老點左幾次(因為仍佢無帶眼鏡....天啊!您而家先講!!!)

o係元朗市中心行左大約20分鐘都搵唔到出市區的路(i.e. 3號幹線); 

所以就停埋一邊細佬去7-eleven買本map, 

睇完都唔係好肯定but車頭方向向住Tuen Mun方向, 

諗住行青山公路出去算數...

好彩行左一陣見到路牌去大纜隧道就跟住行;

點知雨落得愈來愈大, 但車速限制係80km/h 或 100km/h, 

我唔可以太慢, 所以有一段唔覺意行左成為120km/h; 

其實控制上都幾好, 只係太大雨, 

根本睇唔清楚行車線所以有d驚!
 
有驚無險終於跟3號幹線, 西隧返到市區, 

仲車左"友仔"去北角上堂(剛7:59pm到達), 

不過我就無時間去學琴lu....

去完北角再落西灣河同細佬, 同朋友仔們食飯,

之後送左細佬返柴灣屋企, 再由東區走廊去灣仔接"友仔"

-佢同同學仔們食完飯...之後用左我的少少技術, 返左黃竹坑泊車...

朋友仔們話我已經好叻!!!!!

第一日開車已經揸左半個香港, 而油錢都可以接受!!!

我會繼續努力o架!!!!

2007年10月30日星期二

心大心細

買C-Class 定 E-Class好呢?

"友仔"話鍾意四眼仔, 所以E-Class... 


我就覺得C-Class 細少少, 易揸D, 

但我都覺得個款OUT左DD...

而且上星期收到TAX RETURN之後(係出O來做野咁耐從未見過的超大$$$$$$$$ )

...我就想買番C-Class !!!!

即時行動

好快, 好快, 我就即時行動, 

o係考完牌個多星期就confirm買下我o既第一部車...

同以下同款...


不過朋友們, 我仲要多少少時間去練下同適應下, 

所以暫時(數星期內)不會載客, 大家再等收通知lah!

唔知點解, 未買之前就好想好想快d有架車, 

買左就有d驚因為真係揸出街..

.不過10個有11個朋友仔都話我揸多幾日就ok, 應該都係o既!!!!

大家幫我祈禱lah!

2007年10月18日星期四

演出的專業

自去年初開始跟潘老師學聲樂, 跟Viola學琴,

再之後一直同一班音樂家合作,

令我認同做音樂演出必須要表現專業

其中我尤其認同的專業有:

1. 被邀請演出/演唱, 一定要有足夠時間準備及練習(最少一至兩星期), 即使技巧有多好, 切忌臨場或在沒有足夠準備下演出/演唱;

2. 被邀請演出/演唱, 一定要問清楚或儘早取得樂譜, 再看看及分析該樂曲是否適合自己能力, 音域, 儘可能是自己有信心可以唱得一定水準的才做;

3. 切忌參與演唱一些非自己所屬音域的歌曲, 因為自己是不會有足夠信心及能力可以做好; 更切忌"未學行, 先學走"

4. 一旦接受了人家的邀請, 必須盡最大的努力去練習, 並請老師及前輩協助或提點, 務求做到90分以上 - 對得自己, 對得人

.

勁開心.... 考到車牌!!

各位各位, 大家以後要小心D,

因為好快我就會揸住車O係路上行....HAHAHA!

今朝一早就收到我的唱歌PARTNER SEND來的 SMS,

祝我SURE WIN.... 已經好HAPPY, 亦多了點信心!

今日12.00考路試, 個考官超NICE, 態度極好,

所以我都好SMOOTH地順利考完返O來;

今朝考之前出去練左陣車, 條街都幾多野,

又有D行路唔帶眼O既人同車..

不過都好, 我可以試下點應付!

考左大約10分鐘就返O來等成績,

唔駛3分鐘就知道PASS左;

跟住就去報埋"路路通" -

即係可以同師傅一齊出去週圍揸, 試下車!

HEHE, 今個星期尾就去睇車LAH, 不過我諗我唔會大衝動O既!!!

2007年10月15日星期一

2nd Anniversary - 15 Oct 2007

不經不覺, 今日就係我地o既2週年 wedding anniversary;

時間過的好快, 咁就對左呢個"友仔"2年;

不! 是快10年!

不過, 我仲好記得當日籌備婚禮都好似唔係好耐之時o既事;

我覺得好似係幾個月之前o既事咋!

呢兩年都過得好開心,

其實同以前拍拖分別不大,

 唯一分別係同埋住一間屋,

so far 都幾好......

我係負責"catering";

個"友仔"係負責"house-keeping".....hahaha;

梗係house-keeping 多野d lah.

尤其近來佢又學埋music, 大家o既life即刻好似好artistic咁....

而呢個"友仔"都幾cutie,

成日做d好得意o既野,

樣樣都可以玩, 笑; 笑完又玩 - He's a big baby!!!

BTW, 今日都收到一束紅玫瑰....算您啦!!!!!!!!!!!!!!!!!!

我地每年o既慶祝地點, 就o係我地當日擺酒o個度 - Maxims Palace @ City Hall

2007年9月18日星期二

第2x個生日

仲有3 日就係我第2x個生日,

 好彩...仲有一段時間先join 另一個group....!

我成日都好proud of 有我mammy o個邊o既遺傳,

我地所有男男女女家族成員都好"kum"老,

大家d皮膚都好好tim...:

我mammy - 今年52歲, but 個 look係30尾左右,

but佢唔打扮自己, such a waste!!!

我5 姨 - 我同佢年齡算幾close,

全世界連我d 朋友們都驚嘆佢同我好似差唔多年紀...

唔知我過多10年係咪都係一樣呢??

好多人都覺得好難估我幾,

事關以我o既身型, 一睇就知係廿多歲...

但近睇的d皮膚又好似細幾年...

早幾日識左一個新朋友, 佢問的o係咪仲讀緊書.....

hahah, 真高興!!!!

我又演出啦!!

真係估唔到今年有第三次演出機會! 仲要係幫慈善機構 扶康會 籌款o既tim!

不過今次o係10月13日, 地點係太空館演講廳, 人少d, 唔知效果會點呢??我相信今次o既演出應該會比上次好好多...起碼經過了近一年每月每星期的練習同ms poon"好中"的指導, 我都自信自己進步了不少, 已經feel到自己d技巧出緊o黎....我會努力gar!!!!!!

仲有今次再次同我的好拍擋合作, 比起上次同佢無咁熟, 我諗整體出o黎會smooth好多, 同埋唔會咁驚.....?

2007年8月8日星期三

香港大會堂劇院的人生第一次

2007年3月13日晚上7.30於香港大會堂劇院作出了公開演唱, 比上次一月份在石硤尾的完全不同; 觀眾席上有逾500位來自音樂界的前輩, 老師, 我自己也有逾40位fans到來指教...

我的第一首表演曲目: 西班牙姑娘


我的第2首表演曲目: All I Ask Of You - 我的partner: John Chou! (非常感謝他跟我合作!!!)


 

2007年1月23日星期二

樂韻伴恩磐2007 - 我的第一次個人公開演出

我的恩師: 著名女高音歌唱家潘志清老師

我的fans!!!!!!

一眾師兄姐 - 我是小小師妹!!!

樂韻伴恩磐2007

地點:   九龍石硤尾大坑東棠蔭街7號香港宣教會恩磐堂日期:  2006年1月21日晚上8:00
我的第一次個人公開演出就在這完成了!
作為女高音歌唱家潘志清老師的學生, 很榮幸可以今次音樂會成為一份子; 從開始的宗教清唱劇 Hear my prayer 至獨唱 、 二重唱 、 三重唱及小組合唱 ...
除了是自己表演的好機會外, 更是觀摩其他師兄師姐的好好機會!!
最重要是我的一班摯友亦組成了fans 來支持我... 令我到現在也興奮未完...